kjör nýs forseta þingsins.
Virðulegur forseti. Það er gaman að koma hingað til leiks eftir þau umskipti sem hafa orðið af því að það er greinilegt að allir eru að reyna að fóta sig í nýju hlutverki.
Það er alveg rétt sem hér hefur komið fram að hæstv. forseti hefur komið ýmsum umbótum í framkvæmd í þinginu og sú er hér stendur hefur átt þátt í því að koma þeim á ásamt fleiri þingmönnum. Ég vil nefna sérstaklega það að takmarka ræðutímann sem brýn þörf var orðin á að gera þannig að það var mjög gott. Ég verð hins vegar að segja að mér brá talsvert þegar ég sá Morgunblaðið í dag þar sem hv. þm. Geir H. Haarde segir að verið sé að fara í aðför að forsetanum og það sé takmarkalaus valdagræðgi í Samfylkingunni út af þessu máli. Ég vil minna sjálfstæðismenn á að í síðasta meiri hluta voru 43 þingmenn Samfylkingar og Sjálfstæðisflokks, 43 þingmenn, meira en tveir þriðju af þinginu. (Forseti hringir.) Samt datt Sjálfstæðisflokknum ekki í hug að bjóða stjórnarandstöðunni formennsku í einni einustu nefnd né forsetaembættið. Það er lýðræðisástin hjá Sjálfstæðisflokknum.