samkomulag við Alþjóðagjaldeyrissjóðinn.
Virðulegi forseti. Einhvern veginn er það þannig að ég tel mig hafa um svo miklu mikilvægari hluti að hugsa og brýnari verkefnum að sinna en því hvernig Sjálfstæðisflokknum líður inni í sér gagnvart hlutum af þessu tagi [Hlátrasköll í þingsal. ] að ég held að ég eyði ekki tíma í það. Það er ósköp einfaldlega þannig … (Gripið fram í.) Er þetta ekki ósköp einfalt? Það eru orðin stjórnarskipti í landinu og þau verkefni koma í hendur nýrra manna sem þar lágu fyrir og úr þeim þarf að vinna. Er ekki ætlast til þess af nýjum ráðherrum að gera það? (Gripið fram í: Jú.) Já. Ég held að Sjálfstæðisflokkurinn eigi bara að taka sér nægan tíma í sína meðferð og jafna sig á þessum hlutum og hafa ekki áhyggjur að óþörfu af því að málin séu ekki í góðra höndum.