skaðabótalög.
Hæstv. forseti. Þau orð sem féllu af vörum hv. þm. Árna Páls Árnasonar lýsa honum best — af því má sjá hvernig menn vinna, hverjar skoðanir menn hafa og hvernig menn leyfa sér að tala hér í þingsal. Það lýsir þingmanninum hvernig það er gert af hans hálfu.
Ég vil skora á hv. þingmann að fara yfir þær umræður sem átt hafa sér stað hér í dag og benda á það hvar málþóf hefur átt sér stað af hendi okkar sjálfstæðismanna því að þess sér ekki stað. Umræður hafa verið málefnalegar og það hefur verið rætt — þeir þingmenn sem hafa komið að málum. Ég frábið mér að verið sé að halda uppi (Forseti hringir.) umræðum um að hér sé málþóf.