frumvarp um endurskipulagningu þjóðhagslega mikilvægra atvinnufyrirtækja.

Herra forseti. Fyrir þingi liggur frumvarp til laga um stofnun hlutafélags til að stuðla að endurskipulagningu þjóðhagslega mikilvægra atvinnufyrirtækja sem felur það í sér að þetta hlutafélag gæti tekið að sér að reka ýmis fyrirtæki sem eru nú komin í slæm mál og eru í vörslu banka. En það stendur ekki í frumvarpinu, hvorki í lagagreinum né greinargerð, um hvers konar fyrirtæki gæti verið um ræða.

Því langar mig til að spyrja hæstv. fjármálaráðherra hvort hann geti komið með nánari útlistanir á þessu. Erum við að tala um flugfélög? Erum við að tala um verslun? Erum við að tala um útgerðarfélög? Um hvað er fjallað í frumvarpinu sem hann leggur hér fyrir?