fundarstjórn forseta.
Herra forseti. Ég verð að segja að það er óþarfi af hv. þm. Sturlu Böðvarssyni að taka orð mín um gamla sjálftökuliðið til sín eða Sjálfstæðisflokksins. Menn hefðu betur hlustað á það sem ég sagði. Ég sagði að upplýst hefði verið að hópur manna sem ég kallaði gamla sjálftökuliðið hefði enn verið á vaktinni þegar upplýst var um, ekki bara leka heldur stórfellt flóð gjaldeyris út úr landinu. Þegar upplýst hafði verið um það (Gripið fram í.) að hér var það á vaktinni að raka til sín fé, gjaldeyrisforða þjóðarinnar, var borið inn í þingsali mál til að koma í veg fyrir þetta flæði út úr landinu en þá brast þrek Sjálfstæðisflokksins (Gripið fram í: Nú?) og þeir sátu hjá við afgreiðslu málsins. Þeir treystu sér ekki (Gripið fram í: … afbrigði.) til að styðja við aðra flokka í þinginu (Forseti hringir.) og stoppa upp í þetta gat. (Forseti hringir.) Það er það sem ég var að tala um.