almenn hegningarlög.

Virðulegi forseti. Ég óska okkur öllum hjartanlega til hamingju með daginn í dag, Alþingi Íslendinga og Íslendingum öllum með þennan stóra áfanga, ekki bara í kvennabaráttu heldur í mannréttindabaráttu. Það er brotið í blað í Íslandssögunni með samþykkt þessa frumvarps og ég tek undir með hv. þm. Siv Friðleifsdóttur sem talaði á undan mér, það eru margir sem hafa komið að þessum málum, m.a. hæstv. núverandi umhverfisráðherra, Kolbrún Halldórsdóttir, margar þær þingkonur sem eru núna í þessum sal og aðrir þingmenn. Þetta er stór dagur í íslenskri kvennabaráttu.