137. löggjafarþing — 6. fundur, 26. maí 2009.
stjórn fiskveiða.
34. mál
Virðulegur forseti. Hv. þm. Einar K. Guðfinnsson, fyrrverandi sjávarútvegsráðherra, talar hér af mikilli umhyggju um hinar smærri og veikari byggðir landsins. Ég minnist þess að í ríkisstjórn Samfylkingar og Sjálfstæðisflokks sem mynduð var árið 2007 var ákvæði í stjórnarsáttmála sem kvað á um að stofna nefnd til að skoða afleiðingar kvótakerfisins fyrir byggðir landsins. Vegna þessarar miklu umhyggju hv. þingmanns er ágætistilefni til að spyrja hann nú: Hvað kom út úr skoðun þeirrar nefndar á afleiðingum kvótakerfisins fyrir byggðir landsins?
