stjórn fiskveiða.

Frú forseti. Að sama skapi væri ákaflega fróðlegt að heyra hugmyndir hv. þm. Einars K. Guðfinnssonar um það hvernig hann sjái fyrir sér að hægt væri að tryggja nýliðun í sjávarútvegi, hvernig hann sjái fyrir sér að hægt sé að mæta tiltölulega nýlegum úrskurði mannréttindanefndar Sameinuðu þjóðanna sem felur í sér að lögin um stjórn fiskveiða á Íslandi mismuni þegnunum með alvarlegum hætti og brjóti á þeim mannréttindi, hvernig hann sjái fyrir sér að hægt sé að gera einhverjar þær breytingar á lögum um stjórn fiskveiða að það séu ekki byggðir í landinu þar sem íbúaþróun er neikvæð eins og hann talaði um, þar sem vinnslan dregst saman og þar sem veiðiheimildum fækkar.