malarvegurinn fyrir Melrakkasléttu.

Frú forseti. Ég þakka hæstv. ráðherra fyrir ágætt svar en ég vil halda því til haga sem ég nefndi áðan að biðlund fólks eftir almennilegum samgöngum víða úti á landi er með ólíkindum. Samgöngur snúast, eins og ég gat um áðan, um lífskjarabætur og einföld og klár mannréttindi.

Ég leiði hugann að því sem mikilvægt er í þessu efni þegar við stöndum frammi fyrir mjög erfiðum niðurskurði á ríkisútgjöldum, hvort það verði niðurstaðan að þeir landshlutar sem búa við einna verstu samgöngur á landinu muni verða harðast úti þegar kemur til boðaðs niðurskurðar á samgöngumálum. Mig langar því að fá það á hreint frá hæstv. samgönguráðherra hvort hann muni ekki sjá til þess að einkum verði horft til þeirra svæða sem þurfa helst á mannsæmandi þjónustu að halda hvað vegamál snertir og þeim hlíft þegar kemur að boðuðum niðurskurði í vegaframkvæmdum.