aðildarumsókn að Evrópusambandinu.

Hæstv. forseti. Vinstri hreyfingin – grænt framboð hefur ekki aflagt sína kosningastefnu. Ég er að segja mjög svipaða hluti í þessum ræðustóli núna og ég gerði í aðdraganda kosninganna í fjölmiðlum, í greinaskrifum og á kosningafundum. Það gerðu aðrir líka. Ég vísaði í málflutning hv. þm. Atla Gíslasonar. (PHB: Samt á að ganga inn.) Hann hefur hvergi hvikað frá sinni skoðun.

Í mínum huga snýst þetta mál fyrst og fremst um lýðræði. Það snýst um lýðræðislega meðhöndlun á þessu stóra álitamáli sem uppi hefur verið í þjóðfélaginu um langt árabil og það snýst líka um lýðræðið innan veggja Alþingis. Það mun koma fram í atkvæðagreiðslu um málið síðar í dag eða í kvöld.