uppgjör Landsbankans vegna Icesave.

Frú forseti. Ég hefði talið eðlilegt að menn hefðu metið þetta áður en þeir skrifuðu undir og áður en þeir lögðu fram frumvarp til Alþingis um að samþykkja endalausa ríkisábyrgð á þetta. Þar sem eignir gamla Landsbankans eru að mestu í erlendri mynt en forgangskrafa er föst í krónutölu gerist eftirfarandi: Ef gengið fellur frekar á næstu árum fer gamli Landsbankinn að greiða almennar kröfur mjög fljótlega og er ekki langt í það. Eigendur þeirra krafna sem eru alls konar sjóðir um allan heim, sem hafa keypt þetta á „slikk“, hafa hag af því að krónan falli. Sér hæstv. forsætisráðherra ekki hættu á því að áhlaup verði á krónuna þegar líður að greiðslu krafnanna? Verður ekki erfitt að standa vörð um gengi krónunnar vegna þessara hagsmuna?