nauðsynlegar bráðaaðgerðir vegna alvarlegs ástands efnahagsmála.

Virðulegi forseti. Ég vil þakka sjálfstæðismönnum fyrir þær tillögur sem þeir hafa lagt fram. Það er náttúrlega með þessar tillögur eins og allar að það er ýmislegt í þeim sem er jákvætt og annað sem maður er minna sammála. Mig langar að beina einni fyrirspurn til hv. þingmanns um skattlagningu á greiðslum inn í lífeyrissjóði. Hún snýr að því hvort þeir hafi við vinnslu þessa frumvarps eitthvað borið þetta undir forsvarsmenn lífeyrissjóðanna og hvort hann telji að þær aðgerðir — nú vitum við að lífeyrissjóðirnir voru að skrifa undir stóran samning um fjármögnun á Landspítala – háskólasjúkrahúsi og hyggjast koma að fleiri verkefnum — muni hafa jákvæð eða neikvæð áhrif á vilja þeirra til að koma að verkefnum sem þessum víðs vegar um landið.