ríkisábyrgð á lántöku Tryggingarsjóðs innstæðueigenda og fjárfesta.
Virðulegi forseti. Seðlabanki Íslands spáði í nóvember á síðasta ári, fyrir rétt um ári síðan, að hagvöxtur á þessu ári yrði í kringum mínus 12%. Nú liggur fyrir að Seðlabankinn spáir því að hann verði svona mínus 8%. Þar munar 4 prósentustigum. Hagvaxtarforsendan sem Seðlabankinn byggir þetta álit sitt á gerir ráð fyrir meðaltalsvexti upp á 3%. Ég get fullvissað hv. þingmann um það að menn geta ekki spáð hagvexti svona langt fram í tímann eins og Seðlabankinn er að gera. Það eru forsendur sem menn gefa sér. Ég vil því benda þingmanninum á að styðja sig ekki svona þétt upp að þessu áliti, álitið er miðað við gefnar forsendur.