ríkisábyrgð á lántöku Tryggingarsjóðs innstæðueigenda og fjárfesta.

Hæstv. forseti. Ég vil þakka hv. þingmanni fyrir skýra og greinargóða ræðu. Ég heyri að hann er með fleiri atriði sem hann þarf að ræða og ég hlakka til að hlusta á þriðju ræðu hans.

En það eru nokkur atriði sem mig langar að spyrja hv. þingmann um. Í fyrsta lagi hvaða áhrif það hefur á lánshæfismatið að taka lán og auka þannig skuldir, hvernig er samspilið þarna á milli? Það væri ágætt að fá fram skoðanir hv. þingmanns á því.

Síðan langar mig, þar sem ég sé að hæstv. fjármálaráðherra náði ekki að smeygja sér í andsvar við hv. þingmann, að gerast fyrirspyrjandi fyrir hans hönd og spyrja hvaða lausnir hv. þingmaður hafi á þessari deilu sem við vissulega stöndum í. Við í stjórnarandstöðunni höfum verið sökuð um það að standa hér og kvabba en leita ekki neinna nýrra lausna en ég þykist vita að hv. þingmaður, ekki þó enn þá ráðherra, lumi á einhverjum slíkum ráðum.