ríkisábyrgð á lántöku Tryggingarsjóðs innstæðueigenda og fjárfesta.

Virðulegi forseti. Ég kom hingað upp fyrir nokkru síðan og bað um leiðbeiningar virðulegs forseta um hvernig ég ætti að koma þessu öllu heim og saman í þessari nýju vinnu minni. Ég hef ekki reynslu af þessu en hef ekki fengið svar við því enn þá svo ég kalla eftir því. Fyrr í kvöld var okkur sagt að 13 manns væru á mælendaskrá og fundinum yrði lokið þegar þessir 13 væru búnir að tala en nú hef ég stórar áhyggjur af því að þeir eru orðnir 15 á mælendaskrá þrátt fyrir að margir séu búnir að tala. Hefur virðulegur forseti gert sér grein fyrir að skráin er stöðugt að lengjast?