ríkisábyrgð á lántöku Tryggingarsjóðs innstæðueigenda og fjárfesta.

Virðulegur forseti. Ég kem upp og tjái mig um þessa fundarstjórn. Mér finnst það taka út yfir allan þjófabálk að vera með þingfundi fram undir morgun. Það er eðli málsins á öllum venjulegum vinnustöðum að starfsfólkið þar fái hefðbundna hvíld, ef ekki á næturnar þá á daginn. Hér er gert ráð fyrir vinnu allan daginn á morgun líka og jafnvel fram á kvöld þannig að ég leyfi mér að hvetja hæstv. forseta til þess að gera einfaldlega hlé á þessum þingfundi þannig að fólk geti mætt á nefndarfundi kl. 8.30 í fyrramálið og sinnt löggjafarstörfum Alþingis með virðingu og af einhverju viti en ráfi ekki um dauðþreytt og ósofið. Það er ekki virðingu Alþingis samboðið að stjórna fundum með þessum hætti.