ráðstafanir í skattamálum.
Virðulegi forseti. Það hefur komið fram mikil gagnrýni á þessar aðgerðir ríkisstjórnarinnar, að boða á sama tíma niðurskurð í ríkisútgjöldum og stórkostlegar skattahækkanir á fyrirtæki, atvinnulíf og heimili sem verði til þess að dýpka og lengja kreppuna, þ.e. að það dragi úr eftirspurn í hagkerfinu sem leiðir til þessa. Við þessu er brugðist í greinargerð með því að segja:
„Sá misskilningur virðist algengur að skattheimta samfara útgjaldaaukningu dragi úr eftirspurn í hagkerfinu og leiði til samdráttar. Í reynd er því öfugt farið.“
Finnst hæstv. fjármálaráðherra boðlegt að vera með svona útúrsnúninga í greinargerð? Eða er það einfaldlega þannig að starfsmenn fjármálaráðuneytisins skilja ekki þá gagnrýni sem hefur komið á það að gera þetta samtímis á þennan hátt?