atvinnuleysistryggingar o.fl.
Frú forseti. Ég fagna því að aðgerðirnar séu ekki bara háðar reiknikúnstum hins opinbera fjársýslukerfis eins og hæstv. félagsmálaráðherra orðaði það, heldur sé það einlægur ásetningur ríkisstjórnarinnar að leggja pening í þetta verkefni. Það er löngu tímabært og er orðið aðkallandi þannig að ég fagna því. Þá langar mig til að spyrja hæstv. ráðherra í framhaldi: Hvenær má þá vænta að komi fram eða verði kynnt í þinginu eða annars staðar aðgerðaáætlun í þessum efnum, í hvaða aðgerðir á að ráðast, hvaða fjölbreyttu úrræði á að bjóða upp á bjóða upp á og hvaða tímasetningu hafa menn í huga í því að kynna slíkar aðgerðir?