ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Hér er sagt að Íslendingar viðurkenni ekki sök sína eða skyldu til að greiða þessa greiðslu og það segir enn fremur að ef það skyldi koma í ljós að við eigum ekki að greiða eigum við að spjalla yfir kaffibolla við viðsemjendur okkar úti í heimi. Þeir munu segja: Þið eruð búin að skrifa undir skuldabréf, elskurnar mínar. Þeir munu segja: Það er allt annað hvort þið eigið að borga en þið eruð búin að skrifa undir skuldabréf og það er ríkisábyrgð á þessu skuldabréfi og þið skuluð borga það.
Allur þrýstingur að samþykkja Icesave-samninginn er farinn af þessu máli. Kúgunin sem var hérna í upphafi er farin, þrýstingurinn frá erlendum ríkjum og ríkjasamsteypum er farinn og núna getum við í rólegheitum frestað málinu, það er ekkert sem ýtir á það og við eigum að fresta málinu þangað til í vor og senda samninganefnd Alþingis til að semja við Breta og Hollendinga um einhverjar umbætur á þessu samkomulagi þannig að íslensk þjóð liggi ekki undir þeirri gífurlegu áhættu sem fylgir þessu samkomulagi. Ég segi nei. (Forseti hringir.)
