ríkisábyrgð á lántöku Tryggingarsjóðs innstæðueigenda og fjárfesta.
Virðulegi forseti. Ég fer að hafa gaman af því hve mikið hæstv. utanríkisráðherra hrósar mér. Mikill er máttur minn að ég geti haft fylgi heils stjórnmálaflokks í hendi mér. Ég vil minna hæstv. utanríkisráðherra á (Gripið fram í.) að fylgi Framsóknarflokksins stendur í tæpum 20% þannig að hann skal frekar óttast þann flokk en vera að gera lítið úr honum.
Ég vil minna á að hæstv. utanríkisráðherra hefur farið mikinn í mörgum ræðum síðan ég settist inn á þing. Hann hefur margoft hrósað mér fyrir hvað ég hef sett mig vel inn í málin sem ég tek þátt í að tala um. Er mér sérstaklega minnisstætt það hrós sem hæstv. utanríkisráðherra dældi yfir mig þegar ESB-málið var til umræðu og ber hann mikla virðingu fyrir þekkingu minni á því sviði þannig að eitthvað er farið að hlaupa stress í stjórnarflokkana nú þegar þessi atkvæðagreiðsla nálgast.
Ég hef tekið eftir að Samfylkingin er ekki lengur á mælendaskrá þó að hún hafi fengið málið í gær. Það er kannski út af því að orð Ingibjargar Sólrúnar Gísladóttur, fyrrverandi formanns flokksins, eru eitthvað að ergja þá eða kannski sú staða að fyrrverandi ráðherra flokksins sé kominn inn í bankaráð eins bankans.