ríkisábyrgð á lántöku Tryggingarsjóðs innstæðueigenda og fjárfesta.
Virðulegi forseti. Mig langar til þess að lesa upp úr blaði sem barst utanríkismálanefnd, með leyfi forseta:
„Með hinum sameiginlegu viðmiðum sem gengið var frá í Brussel 14. nóvember var reynt að tryggja að í viðræðum ríkjanna yrði gætt jafnvægis milli þeirra skuldbindinga sem Íslendingar tækju á sig og þeirra „erfiðu og fordæmalausu“ aðstæðna sem ríktu á Íslandi en það orðalag vísaði til skuldaþols ríkissjóðs og greiningar AGS-skýrslu til sjóðstjórnar á fordæmislausum aðstæðum hér þar sem bæði ríkti fjármálakreppa og gjaldeyriskreppa.“
Svo mælir fyrrverandi utanríkisráðherra, Ingibjörg Sólrún Gísladóttir. Það er augljóst af málflutningi hennar að Brussel-skilyrðin er hvergi að finna í þeim samningum sem ríkisstjórnin hefur gert. Þess vegna leggjum við framsóknarmenn til að þessu máli verði á ný vísað til ríkisstjórnarinnar og það verði samið á ný á grundvelli Brussel-viðmiðanna, það verði samið á ný á sanngjarnari (Forseti hringir.) forsendum vegna þess að eins og Ingibjörg Sólrún Gísladóttir segir: „Þau eru kjarni málsins.“ Ég segi já.