samningsstaða Íslands og úrslit þjóðaratkvæðagreiðslu.

Virðulegi forseti. Ég er ekki að biðja hæstv. fjármálaráðherra að vera með einhverja einræðistilburði hér. Ég er að biðja hæstv. fjármálaráðherra um að koma með pólitíska leiðsögn í þessu erfiða máli. [Hlátur í þingsal.] Ég er að biðja hæstv. fjármálaráðherra að koma fram fyrir íslensku þjóðina og sýna leiðtogahæfileika sem ég trúi ekki öðru en að hann hafi. Hvernig telur hæstv. fjármálaráðherra hagsmunum Íslands best borgið í framhaldinu í viðræðum? Telur hann t.d., eins og hv. þm. Ögmundur Jónasson, sem var í sama útvarpsþætti og ég fyrr í vikunni, að það sé fullkomlega galið að fólk mæti á kjörstað og segi já? Það er nú einu sinni þannig að það liggur nýtt tilboð fyrir á borðinu þar sem munar, ef mér skjöplast ekki, 80 milljörðum. Getur hæstv. fjármálaráðherra (Forseti hringir.) tekið undir með mér að það hljóti að vera betra að halda áfram á þeirri vegferð (Forseti hringir.) og tryggja það að íslenska þjóðin fái að fella þennan samning (Forseti hringir.) á laugardaginn kemur? (Gripið fram í.)