meðferð einkamála.
Virðulegi forseti. Við greiðum atkvæði um mjög svo merkilegt og mikilvægt mál sem er til mikilla hagsbóta fyrir almenning. Ég vil samt vekja athygli á því að réttarfarsnefnd skilaði af sér þessu frumvarpi. Talsmaður neytenda fékk það ekki til umsagnar einhverra hluta vegna og hefur gert athugasemdir við það í mín eyru. Það er of seint að breyta frumvarpinu héðan í frá en athugasemdir hans eru efnislega mikilvægar. Ég legg því til að á næsta þingi taki allsherjarnefnd þetta mál upp aftur, leggist yfir það og skoði það til að allir verði ánægðir með þetta mikilvæga úrræði. En ég fagna mjög atkvæðagreiðslu um það.