skýrsla þingmannanefndar til að fjalla um skýrslu rannsóknarnefndar Alþingis.

Ég vil bara ítreka fyrra svar mitt. Ég er hjartanlega sammála hv. þm. Guðmundi Steingrímssyni. Það þarf að taka ítarlega og góða umræðu á vettvangi þingsins. Þingmenn þurfa að geta aflað sér gagna, lesið skýrslur og minnisblöð þau sem þingmannanefndin hafði til grundvallar í ákvörðun sinni og kalla til sín gesti, vegna þess að hér þarf að vanda vel til verka.