úttekt á samkeppnissjóðum á sviði vísinda og rannsókna.
Frú forseti. Í þessari umræðu hefur mikið verið rætt um forgangsröðun. Í framhaldi af athugasemd hv. þingmanns áðan má spyrja: Hefur hæstv. forsætisráðherra einhverjar efasemdir um forgangsröðun verkefna hjá ríkisstjórninni, í þeim miklu efnahagskröggum sem við erum í? Með öðrum orðum, telur forsætisráðherra hugsanlegt að of miklu fjármagni sé varið í það sem kalla mætti gæluverkefni ríkisstjórnarinnar og ekki nógu miklu í að fjárfesta og byggja upp til framtíðar? Varðandi þá sjóði sem við höfum verið að ræða, er hæstv. forsætisráðherra ekki sammála að þetta sé í rauninni ekki hreinn kostnaður heldur miklu frekar fjárfesting sem skili þeim mun meiri tekjum til ríkisins til framtíðar sem meira er sett í hana nú? Þarfnast forgangsröðun ríkisstjórnarinnar ekki endurskoðunar?