fjárlög 2011.
Virðulegi forseti. Hér er verið að leggja til aukna fjármuni í atvinnuleysisbætur til að mæta langtímaatvinnuleysi. Við mætum hópi fólks sem hefur glímt við atvinnuleysi og komið illa út úr því. Atvinnuleysi í landinu hefur sem betur fer farið minnkandi í tíð þessarar ríkisstjórnar. Ég bind miklar vonir við átakið sem er hafið í skuldaúrvinnslu lítilla og meðalstórra fyrirtækja, að aðgerðin hleypi lífi í vinnumarkaðinn.
Annars vil ég segja það að atvinnuleysi hefur minnkað og það er þessari ríkisstjórn að þakka sem tók við ástandi sem var ömurlegt. [Kliður í þingsal.]