139. löggjafarþing — 50. fundur, 16. des. 2010.
fjárlög 2011.
1. mál
Virðulegi forseti. Ég vek sérstaka athygli á því að öll fjárlaganefndin sameinaðist um þetta mikilvæga forvarnamál. Tillagan er byggð á þingsályktunartillögu frá Steinunni Valdísi Óskarsdóttur og fleiri konum úr öllum flokkum og úr Hreyfingunni og miðar við að bólusetning 12 ára stúlkna við HPV-sýkingum og leghálskrabbameini hefjist á haustmánuðum ársins 2011 og verði árleg eftir það.