samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.
Virðulegur forseti. Það er gott að heyra og þá er líka eytt þeim hviksögum að Sjálfstæðisflokknum sé stjórnað af sprungusvæðinu við Rauðavatn og verður gaman að lesa Morgunblaðið á morgun. En vegna þess sem komið hefur fram geri ég athugasemd við að staða Íslands í þessu máli hafi verið sterk. Ég held alls ekki að hún hafi verið sterk, ég held að við höfum verið sammála um það í desember 2008, við hv. þingmaður, að nauðsynlegt væri að ganga til samninga um málið og að sá samningur mundi því miður, jafnömurlegt og það er, fela í sér verulegan kostnað fyrir íslenska þjóð. Sjálfstæðisflokkurinn er fyrst og fremst samkvæmur sjálfum sér í því að taka þá afstöðu sem hann tekur hér í dag til þess að leysa úr því sem Framsóknarflokkurinn, Sjálfstæðisflokkurinn og Samfylkingin stóðu að, þau ollu með sínum (Forseti hringir.) hætti hruninu [Kliður í þingsal.] árið 2008.