samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.

Frú forseti. Hv. þm. Ragnheiður Ríkharðsdóttir sagði áðan að nauðsyn væri að vinna og setja lög um þjóðaratkvæðagreiðslur og ég tek undir það. Alþingi á að sjá sóma sinn í því að fyrir liggi hvernig svona atkvæðagreiðslur eigi sér stað.

Þessi tillaga gengur út á það að þjóðin fái að kanna þennan samning, segja já við honum ef henni finnst rétt að hæstv. fjármálaráðherra fái heimild til að skrifa upp á ábyrgð sem hugsanlega leiði til hærri skatta í framtíðinni og leysi önnur vandamál, eða segja nei og gera sér grein fyrir afleiðingum þess, hugsanlega einhverjum þrýstingi í útlöndum, hugsanlega vinnum við málið og fáum æru okkar til baka. Það eru töluverðar líkur á því og ég tel að þær séu meira að segja meiri en 60–70%. Ég segi já.