139. löggjafarþing — 83. fundur, 1. mars 2011.
landlæknir og Lýðheilsustöð.
190. mál
Frú forseti. Ég þakka hv. þm. Ólafi Þór Gunnarssyni fyrir ræðu hans. Mig langar í stuttu andsvari að spyrja hann einnar spurningar:
Hver er skoðun hv. þingmanns á 2. gr. laganna þar sem binda á í lög að forstöðumaður slíkrar stofnunar skuli vera læknir eða hafa læknisfræðilega menntun? Telur hv. þingmaður að almennt sé möguleiki á að aðrar heilbrigðisstéttir geti gegnt forstöðu þessarar nýju stofnunar?