landlæknir og Lýðheilsustöð.

Hæstv. forseti. Ég kom í andsvar til að leiðrétta það við hv. þingmann að fundarfall hefði orðið í heilbrigðisnefnd. Á síðustu nefndadögum höfðum við tekið frá tíma fyrir heilbrigðisnefnd en eftir að hafa farið yfir málið var ákveðið að þiggja ekki þann nefndartíma. Ásókn var frá öðrum í að fá tímann og vegna þeirrar beiðni sem hafði komið fram á nefndarfundi frá hv. þingmanni um að fá aftur formann Félags íslenskra hjúkrunarfræðinga á fund heilbrigðisnefndar og fara yfir frumskýrslurnar tvær, sem hér hafa oft verið nefndar, þá voru báðir þessir liðir útræddir. Í raun og veru voru þeir afgreiddir í nefndinni þannig að okkur þótti ekki ástæða til að taka þá upp aftur og ræða frekar. Þessi mál voru útrædd.