skipun stjórnlagaráðs.

Virðulegi forseti. Ég þekki marga málsmetandi menn og valinkunna sem eru sammála þessari niðurstöðu þannig að ég vil biðja hv. þingmann að vera ekki með öfugmæli af þessu tagi í ræðustól Alþingis.

Hvað varðar fundinn í allsherjarnefnd spurði ég sérstaklega að því hvort þetta stangaðist á við 2. gr. stjórnarskrárinnar. Ég hef spurt fleiri lögfræðinga að þessu. Ég fæ alltaf svarið nei. En síðan segja menn: En það gæti verið óráðlegt. Það gæti valdið því að fólk segði þetta og hitt. Að vera stjórnmálamaður er að þora að ákveða. Mér finnst algjörlega undarlegt að þingmenn ætli á átta vikum fyrst að láta forsetann koma í veg fyrir lagafrumvarp sem samþykkt var með auknum meiri hluta á þingi og síðan láta Hæstarétt með, hvað á ég að segja, smámunasemi eyðileggja þá merku tilraun sem hér er verið að gera til að fá fólk sem fólkið í landinu treystir til að gera drög að nýrri stjórnarskrá.