fjárframlög til heilbrigðisþjónustu.

Virðulegi forseti. Ég þakka hæstv. ráðherra svörin en verð að segja að þau valda nokkrum vonbrigðum. Það verður bara að viðurkennast að ríkisstjórnin hefur ekki sérstakan trúverðugleika, einna síst í þessu. Ég sendi fyrirspurn til hæstv. ráðherra og ráðuneytis um fækkun, m.a. á hjúkrunarrýmum og eins á mannskap sem hefur verið sagt upp vegna fjárlagagerðarinnar 2011. Í svarinu komu fram allt aðrar tölur en hafa til að mynda birst um þá fækkun sem hefur orðið á Landspítala – háskólasjúkrahúsi. Hæstv. ráðherra verður að tala skýrar og ég hvet hann til að koma hingað og lýsa því yfir að það verði gengið í þessa samninga strax í dag. Ég trúi því ekki að á fyrsta degi eftir að menn stóðust vantrauststillögu með minnsta mögulega mun ætli norræna velferðarríkisstjórnin og hæstv. velferðarráðherra (Forseti hringir.) ekki að reyna að standa í velferðarlappirnar. Menn lýstu því yfir að hér væri allt í blóma. (Forseti hringir.) Ég trúi því ekki.