Stjórnarráð Íslands.

Frú forseti. Ég ítreka það sem ég sagði áðan, öll samtök landbúnaðar, matvælaframleiðslu og sjávarútvegs hafa lýst sig andvíg inngöngu í Evrópusambandið og eru reyndar andvíg því ferli sem er í gangi. Sjávarútvegs- og landbúnaðarráðuneytið er stjórnsýsluráðuneyti þeirra. Að mínu mati skiptir miklu máli að við veikjum ekki stjórnsýslulega stöðu sjávarútvegs- og landbúnaðarráðuneytisins og allra síst í þessu ferli. Við vitum að þjóðin er skipt, við vitum að þingið er skipt, við vitum m.a.s. að ríkisstjórnarflokkarnir hafa mjög ólíka stefnu í þessum málum. Hví skyldum við þá fara að veikja stjórnsýslulega stöðu þessara atvinnugreina sem skipta svo miklu máli, ekki bara í þjóðhagslegu og efnahagslegu tilliti heldur líka í þeirri umræðu sem hv. þingmaður nefndi?