rannsókn á athöfnum þingmanna í tengslum við búsáhaldabyltinguna í janúar 2009.
Frú forseti. Þingmaðurinn Jón Gunnarsson vitnaði í stjórnarskrána í ræðu sinni, í 36. gr. Mig langar að spyrja hann aðeins nánar út í túlkun hans á stjórnarskránni því að hún er greinilega eitthvað aðeins öðruvísi en mín túlkun, og út í 73. gr. hennar. Þar segir, með leyfi forseta:
„Allir eru frjálsir skoðana sinna og sannfæringar. Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.
Tjáningarfrelsi má aðeins setja skorður með lögum í þágu allsherjarreglu eða öryggis ríkisins, til verndar heilsu eða siðgæði manna eða vegna réttinda eða mannorðs annarra, enda teljist þær nauðsynlegar og samrýmist lýðræðishefðum.“
Mig langar að spyrja þingmanninn út í það hvernig hann skilur þessi orð.