opinber innkaup.
Virðulegi forseti. Það vill stundum verða þannig að mál sem virka ekki stór þegar þau koma inn í þingið verða það þegar við erum búin að fá ábendingar frá umsagnaraðilum. Það komu margar mjög neikvæðar umsagnir um þetta mál, þar á meðal frá Samkeppniseftirlitinu þar sem það lýsti yfir áhyggjum af að þetta gæti hugsanlega skaðað samkeppni innan lands. Ég hef tekið undir beiðni frá sjálfstæðismönnum um að málið fari aftur í nefnd og að við skoðum málið betur. Framsóknarmenn munu því sitja hjá í þessari atkvæðagreiðslu.