vinna við frumvarp um stjórn fiskveiða.

Hæstv. forseti. Sannarlega þurfum við að vanda hér vel til verka, bæði framkvæmdarvaldið hvað varðar framlagningu mála og þingið að vinna úr málum. Það mál sem hér um ræðir og er núna í vinnslu hjá hv. sjávarútvegs- og landbúnaðarnefnd var á dagskrá í þrjá sólarhringa áður en því var vísað til nefndar. Ég sá eftir þeim tíma eða hluta þess tíma sem ég hefði viljað verja í nefndastörf. Það hefur verið óskað eftir því að fá fjölmarga gesti til nefndarinnar. Hv. formaður verður við þeim tilmælum og því er eðlilegt að það sé tímaþröng og erfitt að halda sig innan tímaramma.

Ég er ekki að mæla því bót að við höldum ekki þingsköpin. Ég vil að við höldum okkur við góð vinnubrögð, en hv. þingnefnd er vandi á höndum að taka á móti öllum þeim gestum sem óskað hefur verið eftir og hlusta á athugasemdir. Ég minni hv. þingmenn á að málið er í höndum (Forseti hringir.) nefndarinnar.