gjaldeyrismál og tollalög.

Frú forseti. Það er mjög leiðinlegt að verða vitni að svona skotgrafahernaði þar sem menn eru bara með skæting. Ég hef alltaf reynt að vinna með öllum að lausnum, í félagsmálanefnd sérstaklega, og við í efnahags- og skattanefnd höfum líka unnið þannig að menn finni lausnir.

Mér var sagt að gjaldeyrishöftin ættu að standa í þrjá mánuði, fram í febrúar, mars 2009. Þá urðu stjórnarskipti, annar flokkurinn, Samfylkingin, tók þátt í þeirri byltingu sem þá var hérna fyrir utan og fór með Vinstri grænum í ríkisstjórn og allt í einu var þetta orðið pikkfast. En það er ekki sama, lögbinding og reglur. Núna er verið að lögbinda þetta, setja nákvæmar reglur í lög og heimildir og annað slíkt þannig að þetta er miklu verra. Þetta hefur þróast nákvæmlega eins og ég lýsti að hefði gerst í gamla daga og það ætti virkilega að hreyfa við mönnum sem ekki vilja sjá gjaldeyrishöft.