stjórn fiskveiða.

Virðulegi forseti. Um þennan þátt málsins hefur verið mikill ágreiningur, ekki bara við vinnslu þessa frumvarps heldur til fjölda ára. Hann hefur verið á milli útgerðaraðila, innan Landssambands íslenskra útvegsmanna, hjá þeim sem stunda uppsjávarveiðar og þeim sem stunda bolfiskveiðar. Það hefur orðið niðurstaða innan Landssambands íslenskra útvegsmanna að jöfnun verði þarna á og var samþykkt á aðalfundi Landssambands íslenskra útvegsmanna að þeir sem eru í uppsjávargreinum greiði í samfélagslega potta til jafns við þá sem eru á bolfiskveiðum.

LÍÚ hefur unnið að þessu máli og var gott samkomulag í sáttanefndinni svokölluðu um að fara yrði þessa leið. Vinnsla frumvarpsins var í samráði við þá hagsmunaaðila sem áður hafa komið að málinu.