139. löggjafarþing — 165. fundur, 16. sept. 2011.
Stjórnarráð Íslands.
674. mál
Frú forseti. Ég hef lýst því áður í umræðum um málið að ég hefði fyrirvara á nefndaráliti vegna þessarar tillögu. Hana bar nokkuð brátt að og ég hef, meðan umræður hafa staðið klukkutímum og tugklukkutímum saman, hlýtt á mál þingmanna og vegið það og metið. Ég tel að tillagan eigi fullkomlega rétt á sér og hef nú afráðið að styðja hana og segi já.