140. löggjafarþing — 21. fundur, 14. nóv. 2011.
fjáraukalög 2011.
97. mál
Frú forseti. Við greiðum atkvæði um frumvarp til fjáraukalaga ársins 2011. Að mati Ríkisendurskoðunar ber frumvarpið vott um aukinn aga í ríkisfjármálum og helstu frávik frá fjárlögum eru kostnaður vegna kjarasamninga sem voru mikilvægir til að koma á friði á vinnumarkaði sem er gríðarlega mikils virði í því uppbyggingarstarfi sem við stöndum nú í á Íslandi.