samningar um sölu Byrs.
Virðulegi forseti. Ég verð að taka undir með hv. þingmönnum, það er ómögulegt að fá engan fyrirvara til að lesa þessa samninga yfir. Mér sýnist sem svo að gögn vanti í samninginn, sem koma í framhaldi af bls. 22. Það er mjög mikilvægt að sjá þau gögn til að geta gert sér nákvæmlega grein fyrir því hvaða áhættu ríkið er að taka í þessu.
Samkvæmt svokölluðum valmöguleika B í þessu getur seljandi ákveðið (Gripið fram í: Er þetta umræða um málið?) að velja sér leið; um er að ræða eignir sem eiga að vera listaðar upp og þær vantar inn í samninginn. Það er mjög mikilvægt að fá þær upplýsingar, annars getum við ekki rætt málið í botn.