fjárlög 2012.

Virðulegi forseti. Ég er eins ósammála og hugsast getur þegar hæstv. fjármálaráðherra heldur því fram að hlutirnir gangi vel, að búið sé að ná einhverjum stórkostlegum árangri, vegna þess að á bak við þær fullyrðingar sem maður heyrir liggja engin gögn.

Ef við skoðum til dæmis hagtölur setti ríkisstjórnin sér þau markmið að á árinu 2011 yrði hér um 4,4% hagvöxtur. Hann er langt frá því. Fyrsta spurningin er: Hvernig ætlar ríkisstjórnin að ná upp hagvexti á næsta ári?

Ég gagnrýni líka þá framsetningu að segja að framlög til velferðarmála hafi verið aukin. Ástæðan fyrir því er sú að verið er að bæta í Atvinnuleysistryggingasjóð vegna þess að það er aukið atvinnuleysi. Telja menn sér það til tekna þegar umræða um fjárlög fer fram?

Ein spurning að lokum: Hvað með verðbólguna? Átti verðbólgan ekki að vera komin niður í 1,7% á þessu ári samkvæmt þeim markmiðum sem hæstv. fjármálaráðherra setti sér sjálfur (Forseti hringir.) og vísað er ítrekað til í skýrslunni frá 2009? (Forseti hringir.) Nú mælist hún vel yfir 4%.