forsendur fjárlaga og þingskjöl.
Virðulegi forseti. Ég kem aftur upp að gefnu tilefni og vísa aftur í fyrrverandi þingmenn sem ég hitti síðastliðinn föstudag. Forseti Alþingis stýrir þessari stofnun. Forseti Alþingis fer með ábyrgð á þessari stofnun. Forseti þingsins ákveður hvaða mál komast á dagskrá þingsins og forseta þingsins ber að úrskurða í þeim málum sem koma til umræðu undir Störfum þingsins, hvert haldið skuli með þau mál.
Búið er að ræða þennan lið í bráðum klukkutíma í dag, dýrmætur tími er farinn til spillis. Hér fara þingmenn fram á að umræðan um fjárlög fari ekki fram fyrr en öll gögn liggja fyrir.
Virðulegi forseti. Embættisfærsla þín verður að ganga út á það að (Forseti hringir.) úrskurða í málinu til þess að hægt sé að fresta þessum dagskrárlið. Úrskurður verður (Forseti hringir.) að liggja fyrir.