fjársýsluskattur.
Virðulegur forseti. Það eru að koma jól og hæstv. ríkisstjórn hækkar skatta á allt og alla. Þetta er launaskattur sem fer hátt upp í 6,71% og mun hafa þær afleiðingar að hann kemur einstaklega illa við litlar fjármálastofnanir eins og sparisjóði. Þeir munu bera skarðan hlut, sérstaklega í samkeppni við stærri fjármálastofnanir. Þetta mun líka koma illa við innlendar fjármálastofnanir í samkeppni við erlendar. Það þýðir að þetta mun færa störf frá Íslandi til annarra landa. En fréttir dagsins sýna okkur að núna eru búnir að vera mestu brottflutningar á Íslandi í 100 ár.
Virðulegur forseti. Það má færa rök fyrir því að einhverju hafi verið bjargað fyrir horn en engu að síður eru þetta í besta falli handarbakavinnubrögð sem munu koma niður á störfum og sparnaði og fjárfestingu á Íslandi. (Forseti hringir.) Við munum ekki styðja þetta en sitjum hjá við (Forseti hringir.) þær breytingartillögur sem hér eru.