ráðstafanir í ríkisfjármálum.

Virðulegi forseti. Þetta er enn einn anginn af þessu máli og hárrétt hjá hv. þm. Pétri Blöndal. Það er verið að setja eignarskatta á lífeyrissjóðina og það kemur bara niður á almennu lífeyrissjóðunum. Þótt skatturinn sé á opinberu lífeyrissjóðunum eru réttindi þar tryggð með lögum þannig að ef ekki er næg innstæða, eins og er ekki, í opinberu sjóðunum munu þeir sem eru í almennu lífeyrissjóðunum greiða hana með sköttunum sínum. Flóknara er málið ekki.