afturköllun ákæru á hendur Geir H. Haarde, fyrrv. forsætisráðherra.

Virðulegi forseti. Ég er þeirrar skoðunar að það liggi skýrt fyrir að einhverjir þingmenn hafi klárlega tekið pólitíska ákvörðun þegar málið var til afgreiðslu hér á sínum tíma. Það sýnir sig best í því að eini flokkurinn sem kom samstilltur með pólitíska línu inn í málið var Sjálfstæðisflokkurinn. Og það er aftur sami Sjálfstæðisflokkurinn sem kemur með málið hingað á þeim forsendum sem liggja fyrir í umræddri tillögu. Ég lít svo á að það sé ekki hlutverk Alþingis að taka málið úr höndum landsdóms og vísa til þeirra fræðimanna sem hafa fjallað um það mál.