samþykkt rammasamnings milli ríkisstjórnar Íslands og framkvæmdastjórnar Evrópusambandsins.

Virðulegi forseti. Eitthvað var hæstv. utanríkisráðherra stressaður þegar hann kynnti þetta mál til sögunnar og vísaði til ýmissa verkefna um smástyrki sem við höfum tekið á móti varðandi skattfríðindi. (Gripið fram í.) Mig langar til að benda á að hæstv. utanríkisráðherra er að tala fyrir gríðarlegum upphæðum. Samkvæmt þessari þingsályktunartillögu er um það að ræða að Íslendingar séu að taka á móti 30 milljónum evra sem samsvarar um 5 milljörðum kr. á tímabilinu 2011–2013.

Frú forseti. 5 þús. milljónir! Hvernig getur hæstv. utanríkisráðherra sagt að hér sé um smáupphæðir að ræða? Hvernig er hægt að segja í sama orði að ekki sé um aðlögun að Evrópusambandinu að ræða? Í þriðja lagi: Ætlar hæstv. utanríkisráðherra að nota þetta (Forseti hringir.) hér einungis í EES-stofnanir?