frekari aðkoma stjórnlagaráðs að vinnu við stjórnarskrá.
Frú forseti. Enn einu sinni eru þingmenn Sjálfstæðisflokks og nokkrir þingmenn Framsóknarflokks að tala niður Alþingi og nýja stjórnarskrá. Hér talaði áðan hv. þm. Unnur Brá Konráðsdóttir, sem í umræðunum í gær um atkvæðagreiðsluna vísaði í grein eftir stjórnlagaráðsmann Pawel Bartoszek — ég bið hann afsökunar ef ég ber nafnið hans rangt fram.
Afstaða hans til stjórnlagaráðsins byggist öll á misskilningi. Hann virðist hvorki hafa hugmynd um hvert hlutverk Alþingis í ritun stjórnarskrár er né hvert hlutverk stjórnlagaráðs í málinu hefur verið. Þó samþykkti hann bréf þar sem ákveðið var að stjórnlagaráð kæmi að málinu aftur.
Hv. þm. Unnur Brá Konráðsdóttir er lögfræðingur og ég spyr: Veit hún sjálf ekki hvert hlutverk Alþingis er í meðferð stjórnarskrár þegar hún tekur undir slíkan málflutning? Svo er verið að ræða einhverjar dagsetningar sem hafa hvergi verið meitlaðar í stein. (Forseti hringir.) Það er skammarlegt að hlusta á þessa umræðu og ömurlegt að horfa upp á formann Framsóknarflokksins sem kallaði þá sem vilja nýja stjórnarskrá úr ræðustól Alþingis fasista og kommúnista.