140. löggjafarþing — 65. fundur, 1. mars 2012.
afturköllun ákæru á hendur Geir H. Haarde, fyrrv. forsætisráðherra.
403. mál
Virðulegi forseti. Stjórnskipunar- og eftirlitsnefnd hefur haft tillögu um afturköllun ákæru fyrir landsdómi til ítarlegrar efnislegrar umfjöllunar undanfarnar vikur. Fyrir liggur nefndarálit meiri hluta nefndarinnar sem byggir á skýrum efnislegum og málefnalegum rökum um frávísun tillögunnar. Ég tek heils hugar undir það álit og hvet þingheim til þess sama.